مرد ع الببور

هجرني وسافر بالببور
وتاركني وقلبي مقهور
عقلي عميقول لي انساه
وقلبي منطرني ع الدور
***
يارتني سافرت معاه
لاما اتحسر ع فرقاه
غيابو مطير بـ عقلي
وقلبي غاصبني مجبور
***
يمكن فعلو غيبني
والغربي ماتناسبني
مارافقتو ورحت معاه
ياريتو يعودلي منصور
***
مخبيي سري بقلبي
وهمي للراس معبي
ماني عما لاقي حل
وعمري عم يمرق بالزور
***
مين قادر يجابرني
عن همي ويسايرني
تجوزوا كل البنات
وحدي باقي بالمحظور
***
دايقه فيي دنياتي
مسود بكيي عويناتي
كل ساعه ببلل منديل
قلبي لا ماهو مسرور
***
مين بيعرفلي شي حل
مع ولفي التركني وفل
وغيرو ماعاد ياخدني
وقديشي حالي محرور
***
بيو ع أمو هـ الفاين
قديشو طلع خاين
غمار الغربي مغيرتو
خربلي عمري المفزور
**********