قرصتني نحلة

احدى نتائج التفكير بالواقع المرير ...

قرصتني نحلة براس الجبل
لما طلعت اسرقلي شوية عسل
قالتلي يا حرامي , انا بورجيك للجمل
رحنا لعند الجمل
اول ما شافني رفسني
قلي انت يا لص , يا عاطل عن العمل
ايمت بدو يصير في منك أمل
قلتلو أي امل و كل العالم روسها بالرمل
قلي كون احسن منهون كون بطل
قلتلو آآه , بزماني البطل سعرو سعر البصل
وانا شخصياً , تأصل فيني الملل
قلي قوم حاج حاطط الحزن بالسطل
قلتلو يا ريت حزني بيساعو السطل
قلي هادا مبرر لتسرق يا طبل
قلتلو ليش مين ما عم يسرق يا جمل
قلي ما بيسرق كل صاحب اصل
قلتلو ووين بلاقي صاحب الاصل
قلي اطلع لراس الجبل
بتلاقي واحد صاحب اصل
اسألو كيف بتصير بطل
طلعت لراس الجبل
سألت واحد : وين صاحب الاصل
قلي : انت الي بعتك الجمل
قلتلو اي
قال انا صاحب الاصل
قلتلو بس مبين عليك الهبل
قلي عنجد انك طبل
قلتلو : دلني كيف بصير بطل
قلي من وين انت
قلتلو انا من الوادي الي تحت الجبل
قلي مافي امل
قلتلو يعني ما بقدر صير بطل ؟
قلي انا صرلي زمان هون
و عم راقب واديكون من راس الجبل
و الي بيطلعو من هيك وادي
ما عندون امل
قلتلو يعني بدي ضل اسرق عسل ؟
سكت ...