منتديات الساري ــ عيون السقيلبية
اهلا بك في منتديات الساري و نتمنى ان تقضي امتع الاوقات

منتديات الساري ــ عيون السقيلبية

منتدى يهتم بالامور الادبية والتاريخية والفلسفية
 
الرئيسيةالبوابةالتسجيلدخول
نرحب بجميع الاخوة الاعزاء زوار هذا المنتدى اجمل ترحيب ونتمنى ان تكونوا جزء من اسرتنا الصغيرة تشاركونا افكاركم وابداعاتكم ابو عصام

شاطر | 
 

 قاموس اللهجة الشامية

اذهب الى الأسفل 
كاتب الموضوعرسالة
الشبح
عضو
عضو
avatar

عدد المساهمات : 85
تاريخ التسجيل : 05/10/2010
العمر : 26

مُساهمةموضوع: قاموس اللهجة الشامية   الجمعة نوفمبر 05, 2010 2:03 am

حقوق النشر والغسيل محفوظة لأهل الشام بعد موافقة النازحين............

قاموس شامي - عربي

دَشْرو : يعني حل عنّو .. تركو

ماني غضران : يعني لست بقادر وهي( بالميداني)

يوه تشكلو آسي : يوه مفرده يأتي شرحها لاحقاَ

تشكلو آسي بعيد(الشر)

:تعبير يفيد شدة حب المتكلم للمتكلم عنه . .


الواه الواه : تعبير نسائي بحت يفيد التمسخر على شيء ما



معبّا بـ بنطرون : يعني واحد أجدب وجاية يحكي



ولا : آداة تستخدم في النهر والشتم





وخنان : مسبة مانها ظريفة بس وضعت للضرورة اللغوية



دشّرني : أي حل عني . . . وحل عني يعني اتركني بحالي



طلاع من راسي : كمان يعني حل عنّي



سد بوزك : يعني سكوت



سد نيعك : شرحو



أيدي بزنّارك : تعبير يستخدم للتعبير عن الرجاء



دخيل الله : أيضاَ تعبير والمقصود به هو الاستغاثة بالله





شَعرو متل الشوشة : أي أن شعره منفوش ومنكوش



متل فرشاية المدفع : يعني شعراتو خشنين ومنكوشين







وضرّاب السخن : وهي مسبّة. . وتعني . . . . ما بعرف بالضبط شو .. بس مسبّة



يوه الواه الواه : مفردة شهيرة جدأ عند النساء وتفيد الأوّية

( نوع من أنواع المسخره بين النساء)



كوكِش : يعني يفتش


بحبِِش : أيضاً مفردة تعني البحث مع التمحيص


ينمحئ : ويعني ينضرب على قامتو . . يسطفل


يبعتلو حمّى : أي تصيبه حمى ونخلوص منّو


يبعتلو أتلو : يعني يموت


يروح دعس : كمان يعني يموت بس دعس


(دعس . فعس. معس )


متل مكّوك الحايك : يعني بحوص كتير


يفش نيعك : هي مسبّه


برِى عليك : يعني برافو أحسنت


شو مشان : يعني شو


تؤبرني : دليل محبّه


تشكل آسي : كمان محبّه


تؤبر عضامي : نفس المعنى بغير ريحه


تمشي على رمشي : شرحو


تطلع على أبري : كذلك


زواز : يعني زواج


سجره (بالسّين ): يعني شجره


أوضه : يعني غرفه


يتحورء : متل يبعتلو حمى


يتئوّص : بنفس المعنى


يتأمّع : كمان هيك شي


عود يئعد رزّك : يعني خيلتنا حاجة تحوص


والمعنى الأدق: يقعد رزك يعني تموت والناس ياكلو رز. . لأنو من المعروف


عندما يموت حدى بتصير عزيمة وبيطعمو الناس أوزي على روح الميت والأوزي أكلة

معروفة بالشام



وين غاطط : وين مو مبين


مافي أرنة: يعني لا يوجد مكان


مطرح مالو آعد : يعني بالمكان يلي يجلس فيه


والسبع تنعام : يعني إلنا الشرف


وأش كان : وتعني .. وأذا كان .. طز


ششمه : يعني تواليت


خالص : يعني منتهي أمرو ... حرام عيشتو


حمل ضرب طْرِيئو : يعني يحمل حالو وراح


الداكونه : الغرفه يلي تحت الدرج


نمليّه : مكان بالمطبخ بيحطو فيه اغراض


صحن مئوبع : يعني صحن منتلي لآخرو


حيط بياخذو وحيط بيجيو : تقال للي بيسكر من كتر الترنّح


مابيعرف الخمسة من الطمسه : عن الرجل اللي ماعندو ثقافة


سرّي مرّي : عاللي بيخفق برات البيت



شندي بندي : للي بيحكي بلا طعمه شروي غروي



فايت بالحيط – طاقق الفيوز : للدلالة على انو ماعم يلاقي كلمة مناسبة


مجنّط : مفلس ولا قرش


كِحته : إيدو ماسكه . بخيل


شاطط ماطط : يعني مدلع زيادة


نعيان : يعني قلبو بارد


نايط = نعيان = بارد


شاضومه : بنت مجلوئة . . يعني كيف بدي إلكن . . . قليلة أدب ومصبْينه


شحّاطة : مايلبسه المرء في قدمه عندما يكون في المنزل


صرمايه : يعني حذاء


ديوانيّه : يعني صوفايه


صوفايه : يعني كنبايه


طائيّه : القبّعه التي توضع على الرأس


تعسيله : نومة بعض الظهر


تغدّى وتمدّى : يعني قيلوله بعد الغداء


مسرسبة : يعني بتحب النظافة كتير


مسمّاويه : يعني حقودة وأويّه


كركمّه : يعني ختياره مصوفنه


أسسييع أوعى الزيت : بمعنى أفسح طريق


زكرت : يعني أبضاي


أغّيييييى : هي للأبضايات وبس


خروء : يعني ضعيف كتير ما بيلئى كف


تاكلو الدوده العميا : يعني الواحد يموت وياكله الدود بعيد الشر


يبعتلو أتلو شو سمج : كمان يعني يموت وسمج يعني غليظ .


موَسوس : مهووس بشغله


محبّك : يعني زكي كتير


ضراع : يعني ذراع


المحروسه : كلمه تسبق اسم أحد في حال السؤال عنه مثلا : (كيفا المحروسه والدتك ..)


وهي تذكر على النساء فقط


عئلو جوزتين بخرج : يعني عقله صغير


متل الأطرش بالزفّة : يعني مالو علاقة بالموضوع


حاجه تحوص وتلوص : يعني حاجة تفتل وتدور


شويّة لخار : بعد شوي .. وقت آخر


بنت عمّي : يعني مرتو وطبعاً بالعكس


تخورف : إتخوزء


(العفى) :ماعرفنا شومعناها بس (هلا) الي بتقولها خخخخخخخخخخخ


مع ملاحظة أن حرف القاف يقرء همزه وليس قاف


مثلاً : (ينمحق = بنمحئ )


وهذه كلمات متداولة فقط عند أهل الشام الأصليين
الرجوع الى أعلى الصفحة اذهب الى الأسفل
زهرة سهل الغاب
مشرفة
مشرفة
avatar

عدد المساهمات : 162
تاريخ التسجيل : 03/09/2010

مُساهمةموضوع: رد: قاموس اللهجة الشامية   الجمعة نوفمبر 05, 2010 4:59 pm

موضوع ظريف
اخ الشبح يعطيك العافية
زهرة

التوقيع
مررت على الر ياض بجنب غابة عليها من النعمان سبع شقائــــــق فقلت لمن ذا القبر جاوبني الثرى تأدب يا فتي ذا قبر عاشـــــــــــــق تعذب في الهوى عشرين عامــــــــاً ومصيره جنات عدن ان كان صادقا
الرجوع الى أعلى الصفحة اذهب الى الأسفل
ميرنا جنيد
مشرفة
مشرفة
avatar

عدد المساهمات : 45
تاريخ التسجيل : 27/09/2010

مُساهمةموضوع: رد: قاموس اللهجة الشامية   السبت نوفمبر 06, 2010 9:43 am

يسلمو صديقي الشبح
جيلة وطريفة تلك المساهمة
الحقيقة اخ شبح كل بقعة في الارض لها ميزتها وخصائصها
بس على لفكرة حلوة كتير ومهضوبمة الهجة الشامية
كان عندي صديقة
دائما كانت تقول لي
((( يبعت لك حمة بكعارب الرجلين)))
يعني بالكعاب بيقى اذاها اخف
تقبل مروري
بكل الاحتراك
ميرنا

التوقيع
لله يا حبيبي أيجمعنا الهـــــــوى
طفلين نظهر تارة ونغيــــــب
والقيد في يدي في عيني معاً
بين الازاهر يراد هــــــروب
يا طائراً بين الروابي مطافـــــــه
والجسم من أعلى الذرى محسوب
ياقمر حبي إنــــــا حبيبان ههنا
وكل حبيب للحبيب قريـــــــــب
ميرنـــــــــــــــــا
********
الرجوع الى أعلى الصفحة اذهب الى الأسفل
نيرمين شلة
مشرفة
مشرفة
avatar

عدد المساهمات : 39
تاريخ التسجيل : 27/09/2010

مُساهمةموضوع: رد: قاموس اللهجة الشامية   الأحد نوفمبر 07, 2010 1:16 pm

موضوع لطيف
صديقي الشبح
اللهجة الشامية ذات نكهة خاصة ومحببة
تحياتي لك
نيرمين
الرجوع الى أعلى الصفحة اذهب الى الأسفل
 
قاموس اللهجة الشامية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الساري ــ عيون السقيلبية  :: عالم التسلية و الترفيه و عالم الاسرة :: نكت و طرائف-
انتقل الى: